CRYSTAL PALACE vs MANCHESTER UNITED
Premier League
Søndag 22.05.2022 kl. 17.00
Selhurst Park
Innbyrdes:
Manchester United: 39
Uavgjorte: 12
Crystal Palace: 9
Fem siste
PL 2021: Manchester United 1 - 0 Crystal Palace
PL 2021: Crystal Palace 0 - 0 Manchester United
PL 2020: Manchester United 1 - 3 Crystal Palace
PL 2020: Crystal Palace 0 - 2 Manchester United
PL 2019: Manchester United 1 - 2 Crystal Palace
Skader United
Paul Pogba (leggskade)
Marcus Rashford (usikker)
Eric Bailly (usikker)
Luke Shaw (usikker)
Jadon Sancho (usikker)
Den siste dansen
Det er noko vemodig med avskjedar. Søndagens kamp på Selhurst Park følest nesten som eit avslutningsball. Etter denne kvelden veit du at du ikkje kjem til å sjå ein del folk på ei god stund. Nokre gruar du deg til å ta farvel med, mens andre veit du at du ikkje kjem til å sakne eit sekund. Matic pussar skoa sine for sin siste kraftfulle kolo. Cavani gjer seg klar for sin siste temperamentfulle tango, mens Pogba kan ha dansa sin siste can can for oss. Mata ladar opp til sin siste fyrrige flamenco, mens JLingz finpussar sine siste Mancunian moves. Så gjenstår det å sjå om CR7 utset den frekke finalefandangoen til neste år. Det vi veit, er at Ralfen sjølv kjem til å wienervalse seg inn i den østerrikske landslagsjobben. Vi får håpe at det blir meir grasiøst enn Palace-manager Pardew sine famøse dansetrinn i FA-cupfinalen mot United i 2016.
Om ørner og verdas største undulat
Eg kan allereie no røpe at resten av tråden vil ha eit visst ornitologisk preg, så dei av dykk med ornitofobi kan likegodt slutte å lese her...
Dei fleste veit nok at kallenamnet til Crystal Palace er 'the Eagles'. Mellom 2010 og 2020 hadde ørna Kayla jobben som klubben sin maskot og før kvar omgang flaug ho frå den eine enden av stadion til den andre. Då ho blei hjartesjuk etter ti års teneste, samla Palace-fansen inn over 35 000 kroner for å redde den staselege fuglen - til ingen nytte. Ho døydde av hjarteinfarkt etter å ha blitt diagnostisert med urinsyregikt. Alderdommen kjem til oss alle, sjølv den stoltaste rovfuglen.
Like interessant er det kanskje at fram til 1973 hadde Palace eit anna kallenamn: The Glaziers (glasmeistrane). Der United-fansen har prøvd å kvitte seg med Glazers i årevis, viste Palace kor lett det kunne gjerast å kaste Glaziers på dør for snart 50 år sidan, med ein ørliten merkevareoppdatering. @Pink Final har nemnt dette og ikkje minst bygginga og flyttinga av det originale Crystal Palace i eit glimrande innlegg tidlegare. Likevel føler eg at eg må få på plass ein monark eller to også i denne kamptråden, så vi skrur klokka tilbake til 1850.
Franz Albert August Karl Emmanuel von Sachsen-Coburg-Gotha ('Albert' blant venner) hadde fått ein plan. Og det trengde han. Som dronning Victoria sin ektemann strevde han med å vinne engelskmennene sin gunst. Ikkje berre var han keitete i offisielle samanhengar. Han stilte med eit solid handicap frå fødselen av: han var tysk. Og ikkje berre tysk - han kom frå det vesle hertugdømmet Sachsen-Coburg-Gotha, som kunne få sjølv Liechtenstein til å føle seg som ei stormakt. Misnøyen med prinsgemalen gjekk så langt at det unge ekteparet blei utsett for attentat to gongar. I våre dagar ville nok Prins Albert ha vore rekna som ein særs oppegåande fyr. Han kjempa for å avskaffe slaveriet i tillegg til å betre arbeidtilhøva og levevilkåra til industriarbeidarane og dei fattige på øyriket. I tillegg var han president for The Society of Arts, som arbeidde for å fremje vitenskap, kultur og kunst. Det var denne rolla som snudde opinionen sitt syn på den tyske prinsgemalen.
The Society of Arts (og særleg prins Albert og Henry Cole) var sentrale i arbeidet med å lage til den store verdsutstillinga i London i 1851, der Crystal Palace fungerte som hovudattraksjon og utstillingslokale. Den enorme glasbygningen i Hyde Park vart ein enorm suksess med over seks millionar besøkande, men etter at utstillinga var over, vart Krystallpalasset flytta til Sydenham Hill i Sør-London, som visstnok var kjent som ein ypperleg driteplass for duer og andre byfuglar. Vi kan berre ha sympati med vindusvaskaren i glaspalasset...
Som med dei fleste historier, enda også forteljinga om Albert og glaspalasset hans med tragedie. Albert sjølv døydde i 1861, berre 42 år gammal. Victoria tok dødsfallet hans så tungt at ho gjekk med svarte sørgeklede resten av livet. The Crystal Palace blei øydelagt av brann i 1936. Berre dei to store vasstårna blei ståande, men desse måtte sprengast i 1941, då dei fungerte som utmerkte siktepunkt for tyske bombefly. Skjebnens ironi kan vere grusom.
Når vi nemner Crystal Palace, kunne vi ha skrive mange spaltemeter om idrettsarenaen Crystal Palace, som husa titals FA-cupfinalar før Wembley blei bygd. Vi kunne også ha lagt ut om ein av mine første heltar Steve Coppell, som måtte legge opp tidleg p.g.a. skader og som blei ein glimrande manager for Palace. Vi burde sikkert også ha gjentatt Crystal Palace sine gode handlingar, som at dei var med på å finansiere glasmaleria av Duncan Edwards i St. Francis-kyrkja i Dudley eller at dei samla inn store pengesummar for å hjelpe kona til Hartlepool-manager Graeme Lee med kreftbehandlinga hennar. Fotballen kan vere ein nådelaus og fiendtleg arena, noko Lee sjølv merka då han fekk sparken for nokre veker sidan, men klubbar som Crystal Palace viser at solidaritet og eit godhjarta sinnelag også har ein plass i toppidretten.
For å avslutte den siste kamptråden i år vil eg nemne ein karakter som dessverre ikkje har fått den statusen og populariteten som han fortener.
John Burridge spela for Crystal Palace på slutten av 70-talet og han var totalt innom 29(!) ulike klubbar før han hanskane på hylla i ein alder av 46. Han har også rekorden som den eldste spelaren som har vore på bana i Premier League (han var 43 år då han sto i mål for Manchester City). Grunnen til at eg tar med 'Budgie' (undulaten) er imidlertid eit bilete som har brent seg fast i minnet mitt frå då han stilte med Superman-drakt i ein ligakamp tidleg på 80-talet.
Sjekk gjerne ut den mildt sagt ukonvensjonelle oppvarminga til 'Budgie'. Det er eit under at han ikkje vart skada før kampen begynte.
Og om du skulle trenge éin grunn til for å bli glad i Crystal Palace... I give you The Crystals!
Premier League
Søndag 22.05.2022 kl. 17.00
Selhurst Park
Innbyrdes:
Manchester United: 39
Uavgjorte: 12
Crystal Palace: 9
Fem siste
PL 2021: Manchester United 1 - 0 Crystal Palace
PL 2021: Crystal Palace 0 - 0 Manchester United
PL 2020: Manchester United 1 - 3 Crystal Palace
PL 2020: Crystal Palace 0 - 2 Manchester United
PL 2019: Manchester United 1 - 2 Crystal Palace
Skader United
Paul Pogba (leggskade)
Marcus Rashford (usikker)
Eric Bailly (usikker)
Luke Shaw (usikker)
Jadon Sancho (usikker)
Den siste dansen
Det er noko vemodig med avskjedar. Søndagens kamp på Selhurst Park følest nesten som eit avslutningsball. Etter denne kvelden veit du at du ikkje kjem til å sjå ein del folk på ei god stund. Nokre gruar du deg til å ta farvel med, mens andre veit du at du ikkje kjem til å sakne eit sekund. Matic pussar skoa sine for sin siste kraftfulle kolo. Cavani gjer seg klar for sin siste temperamentfulle tango, mens Pogba kan ha dansa sin siste can can for oss. Mata ladar opp til sin siste fyrrige flamenco, mens JLingz finpussar sine siste Mancunian moves. Så gjenstår det å sjå om CR7 utset den frekke finalefandangoen til neste år. Det vi veit, er at Ralfen sjølv kjem til å wienervalse seg inn i den østerrikske landslagsjobben. Vi får håpe at det blir meir grasiøst enn Palace-manager Pardew sine famøse dansetrinn i FA-cupfinalen mot United i 2016.
Om ørner og verdas største undulat
Eg kan allereie no røpe at resten av tråden vil ha eit visst ornitologisk preg, så dei av dykk med ornitofobi kan likegodt slutte å lese her...
Dei fleste veit nok at kallenamnet til Crystal Palace er 'the Eagles'. Mellom 2010 og 2020 hadde ørna Kayla jobben som klubben sin maskot og før kvar omgang flaug ho frå den eine enden av stadion til den andre. Då ho blei hjartesjuk etter ti års teneste, samla Palace-fansen inn over 35 000 kroner for å redde den staselege fuglen - til ingen nytte. Ho døydde av hjarteinfarkt etter å ha blitt diagnostisert med urinsyregikt. Alderdommen kjem til oss alle, sjølv den stoltaste rovfuglen.
Like interessant er det kanskje at fram til 1973 hadde Palace eit anna kallenamn: The Glaziers (glasmeistrane). Der United-fansen har prøvd å kvitte seg med Glazers i årevis, viste Palace kor lett det kunne gjerast å kaste Glaziers på dør for snart 50 år sidan, med ein ørliten merkevareoppdatering. @Pink Final har nemnt dette og ikkje minst bygginga og flyttinga av det originale Crystal Palace i eit glimrande innlegg tidlegare. Likevel føler eg at eg må få på plass ein monark eller to også i denne kamptråden, så vi skrur klokka tilbake til 1850.
Franz Albert August Karl Emmanuel von Sachsen-Coburg-Gotha ('Albert' blant venner) hadde fått ein plan. Og det trengde han. Som dronning Victoria sin ektemann strevde han med å vinne engelskmennene sin gunst. Ikkje berre var han keitete i offisielle samanhengar. Han stilte med eit solid handicap frå fødselen av: han var tysk. Og ikkje berre tysk - han kom frå det vesle hertugdømmet Sachsen-Coburg-Gotha, som kunne få sjølv Liechtenstein til å føle seg som ei stormakt. Misnøyen med prinsgemalen gjekk så langt at det unge ekteparet blei utsett for attentat to gongar. I våre dagar ville nok Prins Albert ha vore rekna som ein særs oppegåande fyr. Han kjempa for å avskaffe slaveriet i tillegg til å betre arbeidtilhøva og levevilkåra til industriarbeidarane og dei fattige på øyriket. I tillegg var han president for The Society of Arts, som arbeidde for å fremje vitenskap, kultur og kunst. Det var denne rolla som snudde opinionen sitt syn på den tyske prinsgemalen.
The Society of Arts (og særleg prins Albert og Henry Cole) var sentrale i arbeidet med å lage til den store verdsutstillinga i London i 1851, der Crystal Palace fungerte som hovudattraksjon og utstillingslokale. Den enorme glasbygningen i Hyde Park vart ein enorm suksess med over seks millionar besøkande, men etter at utstillinga var over, vart Krystallpalasset flytta til Sydenham Hill i Sør-London, som visstnok var kjent som ein ypperleg driteplass for duer og andre byfuglar. Vi kan berre ha sympati med vindusvaskaren i glaspalasset...
Som med dei fleste historier, enda også forteljinga om Albert og glaspalasset hans med tragedie. Albert sjølv døydde i 1861, berre 42 år gammal. Victoria tok dødsfallet hans så tungt at ho gjekk med svarte sørgeklede resten av livet. The Crystal Palace blei øydelagt av brann i 1936. Berre dei to store vasstårna blei ståande, men desse måtte sprengast i 1941, då dei fungerte som utmerkte siktepunkt for tyske bombefly. Skjebnens ironi kan vere grusom.
Når vi nemner Crystal Palace, kunne vi ha skrive mange spaltemeter om idrettsarenaen Crystal Palace, som husa titals FA-cupfinalar før Wembley blei bygd. Vi kunne også ha lagt ut om ein av mine første heltar Steve Coppell, som måtte legge opp tidleg p.g.a. skader og som blei ein glimrande manager for Palace. Vi burde sikkert også ha gjentatt Crystal Palace sine gode handlingar, som at dei var med på å finansiere glasmaleria av Duncan Edwards i St. Francis-kyrkja i Dudley eller at dei samla inn store pengesummar for å hjelpe kona til Hartlepool-manager Graeme Lee med kreftbehandlinga hennar. Fotballen kan vere ein nådelaus og fiendtleg arena, noko Lee sjølv merka då han fekk sparken for nokre veker sidan, men klubbar som Crystal Palace viser at solidaritet og eit godhjarta sinnelag også har ein plass i toppidretten.
For å avslutte den siste kamptråden i år vil eg nemne ein karakter som dessverre ikkje har fått den statusen og populariteten som han fortener.
John Burridge spela for Crystal Palace på slutten av 70-talet og han var totalt innom 29(!) ulike klubbar før han hanskane på hylla i ein alder av 46. Han har også rekorden som den eldste spelaren som har vore på bana i Premier League (han var 43 år då han sto i mål for Manchester City). Grunnen til at eg tar med 'Budgie' (undulaten) er imidlertid eit bilete som har brent seg fast i minnet mitt frå då han stilte med Superman-drakt i ein ligakamp tidleg på 80-talet.
Sjekk gjerne ut den mildt sagt ukonvensjonelle oppvarminga til 'Budgie'. Det er eit under at han ikkje vart skada før kampen begynte.
Og om du skulle trenge éin grunn til for å bli glad i Crystal Palace... I give you The Crystals!