MANCHESTER UNITED vs NORWICH CITY
Premier League
Lørdag 16.04.2022 kl. 16.00
Old Trafford
Totalt: 41-15-17
Liga: 37-12-12
FA-cup: 3-0-3
Ligacup: 1-1-2
Dei fem siste
2021 PL Norwich - United: 0-1
2020 FA Norwich - United 1-2
2020 PL United - Norwich 4-0
2019 PL Norwich - United 1-3
2016 PL Norwich - United 0-1
Skader United
Edinson Cavani - ute til starten av mai
Luke Shaw - tilbake i slutten av april?
Scott McTominay - usikker
Raphaël Varane - usikker
Green and Gold
Gjestfriheit er noko underteikna set stor pris på. Ingenting er så hyggeleg som når nokon tar seg bryet med å gjere opphaldet ditt litt ekstra heimekoseleg og å få deg til å føle deg velkommen. Akkurat denne kjensla vil Norwich-spelarane og supportarane deira kjenne spesielt godt på laurdag. Ikkje berre er United-laget ualminneleg gavmildt for tida, men det er heller ikkje usannsynleg at store delar av Old Trafford vil vere pynta i grønt og gult. Iallefall frå og med det 17. minuttet...
Når det gjeld det sportslege, er det ikkje særleg håp om triumfferd i den raude delen av Manchester. Rett nok var Jesus på hugget for dei lyseblå naboane våre på Palmesøndag, men vegen til oppstode verkar lang for våre disiplar. Men ein veit aldri i påska. Større under har skjedd før, også i påska.
Hummar og kanari
Dette kunne ha vore signaturretten til Delia Smith, England sitt svar på Ingrid Espelid Hovig. Saman med ektemannen Michael Wynn-Jones eig ho fotballklubben Norwich City, ein klubb dei eminente herrane Stephen Fry og Kasper Wikestad også har eit nært og kjært forhold til. The Canaries si ligahistorie passar også ganske bra til overskrifta, med fleire opprykk og nedrykk enn dei fleste. Men først litt historiske viderverdigheiter.
Norwich (eller Northwic - Nordgarden) vart grunnlagt så tidleg som i år 43 evt. og fekk bystatus allereie i 1094 (Manchester fekk først bystatus i 1853). Byen i Norfolk er med det blant dei eldste byane i England og middelalderarkitekturen i bykjernen er nesten intakt. Dei to mest kjende bygningane i Norwich er Norwich Cathedral og Norwich Castle. Sistnemnde bygg er også representert i øvre venstre hjørne på emblemet til Norwich City.
Norwich blei, i likheit med svært mange andre engelske byar tidleg på 1000-talet, raida av skandinaviske vikingar, særleg den makt- og pengesjuke danekongen Svein Tjugeskjegg. Sjansen er også stor for at Olav Haraldsson spredde frykt og elendigheit i East Anglia i sine før-heilage dagar.
Eg begynte kamptråden med gjestfriheit, og Norwich er kjende for å ta godt vare på folk som besøker byen, enten dei er turistar, studentar, handelsmenn eller kongelege. I 1578 skulle Elizabeth I besøke Norwich, som då var den viktigaste byen i landet, etter London. Lizzie var den største superstjerna på øyriket på den tida og folk gjekk mann av huse for å rydde opp i byen og gjere klart til det nesten guddommelege besøket. Husdyra blei jaga ut av gatene, ekstrement og søppel blei fjerna frå sentrum og dei tok seg til og med bryet med å fjerne avkappa hovud og andre kroppsdelar som hadde blitt hengt frå bymurane til skrekk og advarsel for omreisande kjeltringar og tjuvraddar. I tillegg framskaffa dei gjestmilde bybuarane underhaldning og lekre rettar for dronningar og følget hennar, heilt til opphaldet var over. Ved eitt høve skal jomfrudronninga ein kveld ha kommentert at det ville ha vore fint med ein hagemur utanfor eitt av godsa ho besøkte. Neste morgon vakna Elizabeth med utsikt til ein svær mur utanfor soveromsvindauget... Både byen og innbyggarane sette seg i botnlaus gjeld for å gjere dronninga til lags, og som takk for strevet braut det ut pest som tok livet av ein tredjedel av innbyggarane.
Handelsmenn og handverkarar frå kontinentet fann også vegen til den største byen i East Anglia. Pga religiøs forfølging flykta dei over kanalen frå det som i dag er Nederland og Belgia. Med seg på turen tok dei ei mengde av bur med kanarifuglar, som var svært populære som kjæledyr lenger sør i Europa. Dermed fekk innbyggarane i Norwich kallenamnet the Canaries.. Om det same skjedde i Lillestrøm er noko meir usikkert...
And now - football
For dei av oss som vaks opp med engelsk fotball på 70- og 80-talet, høyrer Norwich City naturleg heime i toppdivisjonen. Likevel spela the Canaries for første gong i toppdivisjonen så seint som i 1972. Før den tid var Norwich kjende som eit cuplag, noko Manchester United skulle få smerteleg erfare i FA-cupen i 1959. Det dåverande 3.divisjonslaget slo storfavorittane frå Old Trafford 3-0 heime på Carrow Road og kom heilt til semifinalen, der dei tapte mot Luton i omkampen. I 1962 vann The Canaries sitt første trofé, då dei vann ligacupen som 2. divisjonslag.
Utover på 70-talet kom Norwich til fleire cupfinalar på Wembley, blant anna under John Bond, som forlot Carrow Road til fordel for Manchester City i 1980. Ein spelar som gjekk andre vegen var Åge Hareide, som blei utlant frå Manchester City til Norwich, og som i 1982-83-sesongen var med på å redde kanarifuglane frå nedrykk, på bekostning av the Citizens.. Eg vil sterkt anbefale @Pink Final si gjenfortelling av denne dramatikken i litteraturtråden.
I 1984-85-sesongen sto Norwich for bragden å vinne ligacupen, samtidig som dei rykte ned til 2. divisjon. Uansett kvalifiserte dei seg for UEFA-cupen, men fekk ikkje delta pga tragedien på Heysel. Dei gjekk også glipp av eit par andre deltakingar i europeiske turneringar seinare på 80-talet pga utestenginga av engelske klubbar. Då Norwich endeleg fekk delta i europacupen i 1993, gjorde dei det med brask og bram ved å slå ut Bayern München og dei vann som første engelske lag på Olympiastadion. Sesongen i forvegen, den første i Premier League, hadde dei kjempa med Aston Villa og Manchester United om ligagullet til nokre få ligarundar gjensto. Dei endte til slutt på tredjeplass, med negativ målforskjell, blant anna etter eit 7-1 tap mot Blackburn på Ewood Park. Ligagullet hamna på rett plass denne sesongen, for første gong sidan 1967, sjølv om ex-Red Mark Robins gjorde sitt ytterste for å forpurre planane til sin gamle arbeidsgivar.
Manchester United har forøvrig importert godt frå laget i søraust. Både Steve Bruce og Mike Phelan blei henta frå Norwich og har tent oss svært godt - førstnemnde som forsvarsbauta og kaptein i dei tidlege Premier League-dagane, og sistnemnde som spelar, trenar og assistent.
Etter mange sesongar med opprykk og nedrykk kjempar Norwich City igjen med nebb og klør for å unngå å ta den tunge vegen ned éin divisjon, men vi får håpe at United sine gavmilde dagar er over.
Premier League
Lørdag 16.04.2022 kl. 16.00
Old Trafford
Totalt: 41-15-17
Liga: 37-12-12
FA-cup: 3-0-3
Ligacup: 1-1-2
Dei fem siste
2021 PL Norwich - United: 0-1
2020 FA Norwich - United 1-2
2020 PL United - Norwich 4-0
2019 PL Norwich - United 1-3
2016 PL Norwich - United 0-1
Skader United
Edinson Cavani - ute til starten av mai
Luke Shaw - tilbake i slutten av april?
Scott McTominay - usikker
Raphaël Varane - usikker
Green and Gold
Gjestfriheit er noko underteikna set stor pris på. Ingenting er så hyggeleg som når nokon tar seg bryet med å gjere opphaldet ditt litt ekstra heimekoseleg og å få deg til å føle deg velkommen. Akkurat denne kjensla vil Norwich-spelarane og supportarane deira kjenne spesielt godt på laurdag. Ikkje berre er United-laget ualminneleg gavmildt for tida, men det er heller ikkje usannsynleg at store delar av Old Trafford vil vere pynta i grønt og gult. Iallefall frå og med det 17. minuttet...
Når det gjeld det sportslege, er det ikkje særleg håp om triumfferd i den raude delen av Manchester. Rett nok var Jesus på hugget for dei lyseblå naboane våre på Palmesøndag, men vegen til oppstode verkar lang for våre disiplar. Men ein veit aldri i påska. Større under har skjedd før, også i påska.
Hummar og kanari
Dette kunne ha vore signaturretten til Delia Smith, England sitt svar på Ingrid Espelid Hovig. Saman med ektemannen Michael Wynn-Jones eig ho fotballklubben Norwich City, ein klubb dei eminente herrane Stephen Fry og Kasper Wikestad også har eit nært og kjært forhold til. The Canaries si ligahistorie passar også ganske bra til overskrifta, med fleire opprykk og nedrykk enn dei fleste. Men først litt historiske viderverdigheiter.
Norwich (eller Northwic - Nordgarden) vart grunnlagt så tidleg som i år 43 evt. og fekk bystatus allereie i 1094 (Manchester fekk først bystatus i 1853). Byen i Norfolk er med det blant dei eldste byane i England og middelalderarkitekturen i bykjernen er nesten intakt. Dei to mest kjende bygningane i Norwich er Norwich Cathedral og Norwich Castle. Sistnemnde bygg er også representert i øvre venstre hjørne på emblemet til Norwich City.
Norwich blei, i likheit med svært mange andre engelske byar tidleg på 1000-talet, raida av skandinaviske vikingar, særleg den makt- og pengesjuke danekongen Svein Tjugeskjegg. Sjansen er også stor for at Olav Haraldsson spredde frykt og elendigheit i East Anglia i sine før-heilage dagar.Eg begynte kamptråden med gjestfriheit, og Norwich er kjende for å ta godt vare på folk som besøker byen, enten dei er turistar, studentar, handelsmenn eller kongelege. I 1578 skulle Elizabeth I besøke Norwich, som då var den viktigaste byen i landet, etter London. Lizzie var den største superstjerna på øyriket på den tida og folk gjekk mann av huse for å rydde opp i byen og gjere klart til det nesten guddommelege besøket. Husdyra blei jaga ut av gatene, ekstrement og søppel blei fjerna frå sentrum og dei tok seg til og med bryet med å fjerne avkappa hovud og andre kroppsdelar som hadde blitt hengt frå bymurane til skrekk og advarsel for omreisande kjeltringar og tjuvraddar. I tillegg framskaffa dei gjestmilde bybuarane underhaldning og lekre rettar for dronningar og følget hennar, heilt til opphaldet var over. Ved eitt høve skal jomfrudronninga ein kveld ha kommentert at det ville ha vore fint med ein hagemur utanfor eitt av godsa ho besøkte. Neste morgon vakna Elizabeth med utsikt til ein svær mur utanfor soveromsvindauget... Både byen og innbyggarane sette seg i botnlaus gjeld for å gjere dronninga til lags, og som takk for strevet braut det ut pest som tok livet av ein tredjedel av innbyggarane.
Handelsmenn og handverkarar frå kontinentet fann også vegen til den største byen i East Anglia. Pga religiøs forfølging flykta dei over kanalen frå det som i dag er Nederland og Belgia. Med seg på turen tok dei ei mengde av bur med kanarifuglar, som var svært populære som kjæledyr lenger sør i Europa. Dermed fekk innbyggarane i Norwich kallenamnet the Canaries.. Om det same skjedde i Lillestrøm er noko meir usikkert...
And now - football
For dei av oss som vaks opp med engelsk fotball på 70- og 80-talet, høyrer Norwich City naturleg heime i toppdivisjonen. Likevel spela the Canaries for første gong i toppdivisjonen så seint som i 1972. Før den tid var Norwich kjende som eit cuplag, noko Manchester United skulle få smerteleg erfare i FA-cupen i 1959. Det dåverande 3.divisjonslaget slo storfavorittane frå Old Trafford 3-0 heime på Carrow Road og kom heilt til semifinalen, der dei tapte mot Luton i omkampen. I 1962 vann The Canaries sitt første trofé, då dei vann ligacupen som 2. divisjonslag.
Utover på 70-talet kom Norwich til fleire cupfinalar på Wembley, blant anna under John Bond, som forlot Carrow Road til fordel for Manchester City i 1980. Ein spelar som gjekk andre vegen var Åge Hareide, som blei utlant frå Manchester City til Norwich, og som i 1982-83-sesongen var med på å redde kanarifuglane frå nedrykk, på bekostning av the Citizens.. Eg vil sterkt anbefale @Pink Final si gjenfortelling av denne dramatikken i litteraturtråden.
I 1984-85-sesongen sto Norwich for bragden å vinne ligacupen, samtidig som dei rykte ned til 2. divisjon. Uansett kvalifiserte dei seg for UEFA-cupen, men fekk ikkje delta pga tragedien på Heysel. Dei gjekk også glipp av eit par andre deltakingar i europeiske turneringar seinare på 80-talet pga utestenginga av engelske klubbar. Då Norwich endeleg fekk delta i europacupen i 1993, gjorde dei det med brask og bram ved å slå ut Bayern München og dei vann som første engelske lag på Olympiastadion. Sesongen i forvegen, den første i Premier League, hadde dei kjempa med Aston Villa og Manchester United om ligagullet til nokre få ligarundar gjensto. Dei endte til slutt på tredjeplass, med negativ målforskjell, blant anna etter eit 7-1 tap mot Blackburn på Ewood Park. Ligagullet hamna på rett plass denne sesongen, for første gong sidan 1967, sjølv om ex-Red Mark Robins gjorde sitt ytterste for å forpurre planane til sin gamle arbeidsgivar.Manchester United har forøvrig importert godt frå laget i søraust. Både Steve Bruce og Mike Phelan blei henta frå Norwich og har tent oss svært godt - førstnemnde som forsvarsbauta og kaptein i dei tidlege Premier League-dagane, og sistnemnde som spelar, trenar og assistent.
Etter mange sesongar med opprykk og nedrykk kjempar Norwich City igjen med nebb og klør for å unngå å ta den tunge vegen ned éin divisjon, men vi får håpe at United sine gavmilde dagar er over.
.
.
.
Minner meg om ei oppleving på Camp Nou for ein del år sidan. Eg sat framfor ein mann i 40-åra som var svært så indignert over dommaren. Ved sida av seg hadde han sonen, som kunne vere rundt 10 år gammal. I over éin omgang spreidde faren om seg med edder og galle, i tillegg til det obligatoriske solsikkeskalla. Sonen var heilt tyst. Eit lite stykke ut i 2. omgang var det ei dommaravgjerd som opprørte heile stadion. Faren var så oppgitt at han sank ned i setet. Då kom det eit gutturalt hyl frå junior: "Eyyyyyyyyy, BURRRRRROOOOO!!!!!" Fotball uten kjensler er ikkje fotball
.
