MANCHESTER UNITED vs WEST HAM UNITED
Premier League
Laurdag 22.01.2022 kl. 16.00
Old Trafford
Dommar: Jon Moss
Innbyrdes
Manchester United: 70 sigrar
West Ham United 46 sigrar
32 uavgjorte
Fem siste
LC 2021 United - West Ham 0-1
PL 2021 West Ham - United 1-2
PL 2021 United - West Ham 1-0
FA 2021 United - West Ham 1-0
PL 2020 West Ham - United 1-3
Skader Manchester United
Paul Pogba (tilbake i trening)
Aaron Wan-Bissaka (tilbake i trening etter vinterpausen)
Jesse Lingard (ankelsmell, usikker til kampen)
Edinson Cavani (muskulære problem, usikker)
Luke Shaw (hamstring, usikker)
Scott McTominay (vond rygg, bør bli klar)
Premier League
Laurdag 22.01.2022 kl. 16.00
Old Trafford
Dommar: Jon Moss
Innbyrdes
Manchester United: 70 sigrar
West Ham United 46 sigrar
32 uavgjorte
Fem siste
LC 2021 United - West Ham 0-1
PL 2021 West Ham - United 1-2
PL 2021 United - West Ham 1-0
FA 2021 United - West Ham 1-0
PL 2020 West Ham - United 1-3
Skader Manchester United
Paul Pogba (tilbake i trening)
Aaron Wan-Bissaka (tilbake i trening etter vinterpausen)
Jesse Lingard (ankelsmell, usikker til kampen)
Edinson Cavani (muskulære problem, usikker)
Luke Shaw (hamstring, usikker)
Scott McTominay (vond rygg, bør bli klar)
What a Diff'rence a Day Makes
Orda tilhøyrer Dinah Washington og schlägeren frå 1959 handlar om at eit metaforisk uvêr har blitt erstatta av solskinn fordi ein kjekkas har dukka opp. Den godaste fru Washington (ho var gift seks gongar før ho døydde etter ein overdose med pillar) hadde nok ikkje Anthony Elanga i tankane, men du verden som den unge svensken har lyst opp tilveret for oss United-supportarar etter at han fekk tillit frå start av Ralf Rangnick. No trengde heller ikkje United-laget ein heil dag for å snu tungt regnver (les: 1. omgang mot Brentford) til lett overskya med gløtt av sol (les: 2. omgang mot same lag), men dei siste 45 minutta gav oss i det minste eit glimt av kva dette laget er kapabelt til.
David de Gea er fast bestemt på å få bildet sitt ved sida av definisjonen av 'levande vegg' i ordboka. Stopparparet Lindelöf og Varane verkar som det klart mest betryggande stopparparet vårt for tida. McTominay har stabilisert seg på eit høgt nivå etter at Vrange-Rolf kom inn dørene og Bruno har funne fram til noko som liknar på god, gammal målpoengform. Den nemnde Elanga vert nesten umogleg å benke framover og så får vi håpe at Greenwood og Rashford vil vekse på at dei fann nettmaskene i forrige kamp. På topp får pensjonistane spele bingo (for det er vel dét dei gamle gjer?) om kven som skal starte kvar enkelt kamp. La oss håpe at taparen av denne kampen ikkje blir altfor furten...
The Kids are Alright
Beklagar alle musikkreferansane, men du finn mykje god sanning i god musikk. Mot Brentford vart dei tre måla til United scora av eigne akademiprodukt, to engelske og eitt svenskt, sjølv om Rangnick insisterer på å kalle Elanga for engelskmann. Ved to tidlegare høve, i 2002 og i 2019, har spelarar frå United-akademiet scora tre mål mot nettopp West Ham. Det er ingen grunn til at det ikkje skal skje igjen.
West Ham er sjølve ein klubb med ei stolt historie når det gjeld talentutvikling. Tre av dei mest sentrale VM-vinnarane frå 1966 var oppflaska i Hammers-systemet: Bobby Moore, Martin Peters og Geoff Hurst. I tillegg har dei fostra klassespelarar som Trevor Brooking, Frank Lampard Sr og Jr, Tony Cottee, Jermain Defoe, Joe Cole og mange fleire. Felles for mange av desse spelarane er at dei har ein utmerkt teknikk og speleforståing. Manchester United har også nytt svært godt av West Ham sitt framifrå akademiarbeid. Paul Ince, Rio Ferdinand og Michael Carrick var alle glimrande spelarar for oss og vi må også nemne den irske landslagsspelaren Noel Cantwell, som fekk over 100 kampar for the Red Devils.
Så då er det berre å glede seg til kamp. West Ham innehar i skrivande stund 4.plassen på tabellen, men United vil hoppe bukk over dei med tre poeng på laurdag. The Hammers har vist sterk form i det siste, men tapte overraskande for Leeds i forrige kamp. Den viktige midtbanemannen Tomas Soucek kan vere tilbake etter COVID-karantene, mens Said Benrahma spelar AFCON-ball. Jarrod Bowen har vore i sensasjonell form i dei siste kampane og han har bøtta inn mål for moro. På laurdag tar forhåpentlegvis moroa slutt.
Edit: Lindelöf er ute av morgendagens tropp etter at feige kjeltringar braut seg inn i familien sitt hus då kona og borna var åleine. Eric Bailly er sjølvsagt opptatt med AFCON.