MANCHESTER UNITED - Sheriff Tiraspol
Europa League
Torsdag 27.10.2022 kl. 21.00.
Old Trafford, Manchester
Innbyrdes
Manchester United: 1
Uavgjort: 0
Sheriff Tiraspol: 0
Skader Manchester United
Raphaël Varane er heilt sikkert ute i fleire veker. Vi får håpe at det ikkje er snakk om månader...
Aaron Wan-Bissaka, Harry Maguire, Donny van der Beek, Brandon Williams og Anthony Martial er alle tilbake i individuell eller full trening. Phil Jones og Axel Tuanzebe er langtidsskadde. Er Cristiano Ronaldo fortsatt i fryseboksen?
. Europa League
Torsdag 27.10.2022 kl. 21.00.
Old Trafford, Manchester
Innbyrdes
Manchester United: 1
Uavgjort: 0
Sheriff Tiraspol: 0
Skader Manchester United
Raphaël Varane er heilt sikkert ute i fleire veker. Vi får håpe at det ikkje er snakk om månader...
Aaron Wan-Bissaka, Harry Maguire, Donny van der Beek, Brandon Williams og Anthony Martial er alle tilbake i individuell eller full trening. Phil Jones og Axel Tuanzebe er langtidsskadde. Er Cristiano Ronaldo fortsatt i fryseboksen?
Last Chance Saloon
Greitt, eg innrømmer glatt at eg held på å gå tom for ordspel som har med sheriffar og den ville vesten å gjere. Tiraspol by og heile Transnistria er rett nok lovlaust så det held, men dei ligg tross alt i det ville Aust-Europa. Torsdagens duell er, om ikkje siste sjanse til å sikre seg den forjetta førsteplassen i gruppa, ein must-win om vi skal halde Real Sociedad bak oss.
Spelarane våre bør vere proppfulle av sjølvtillit etter ei lang rekke med gode resultat og prestasjonar. Vi ser endeleg ut som eit samanhengande fotballag som både angrip og forsvarar seg som éi eining. Med meir kliniske avslutningar hadde vi tatt skalpen til Chelsea allereie etter 35 minutt, men utruleg nok slapp Potter sine menn unna med skrekken. Underteikna er svært usikkert på korleis Ten Hag vil disponere troppen i dei hektiske vekene framover, men det er ikkje grunn til å tru at han kjem til å rullere altfor mykje. Raphaël Varane er dessverre ute ei god stund og det begynner å bli tynt på stopparplass.
Astmatiske grisar og andre veddeløpshestar
Eg veit ingenting om FC Petrocub Hîncesti anna enn at dei er blant "røkla" i den moldoviske ligaen. Eller eit svin med luftveissjukdommar, som Nick Miller i The Athletic nok ville ha kalla dei. I den glimrande artikkelen sin om Sheriff og den moldoviske ligaen, framstilte han Divizia Nationala som eit løp mellom ein veddeløpshest og ein gjeng med astmatiske griser. Sheriff Tiraspol er veddeløpshesten, om nokon skulle lure. Dei har vunne serien 20 av dei siste 22 åra. Sist sesong hadde dei ein målforskjell på +67.
Grunnen til dominansen er sjølvsagt pengar. To av dei største sheriffane i Tiraspol heiter Viktor Gushan og Ilya Kazmaly. Dei har skapt heile "Sheriff"-franchisen, som har både supermarked, bensinstasjonar og ein viss fotballklubb i porteføljen. Av frykt for represalier vil eg ikkje spekulere i korleis dei har skapt rikdommen sin, men sanninga er at Sheriff har eit moderne stadion, 18 treningsbaner og fasilitetar som gjer det mogleg å trene sjølv i den strenge transnistriske vinteren. Dei fleste andre klubbane i den moldoviske serien eig knapt nok ein eigen buss... Det gjer bragden til Petrocub Hîncesti ganske så svær. Den astmatiske grisen slo nemleg veddeløpshesten frå Tiraspol 1-0 i serien i dag og påførte med det Sheriff det første nederlaget i årets seriespel.
På torsdag får vi håpe at sheriffen får bank på nytt og at dei tar på seg rolla som grisen med pustebesvær.